Sənsiz neyləyirəm şeirləri mən..?!

Səninçün yazıram şeirlərimi
Bülbül nəğmə deyər çiçək eşqindən!
Çiçəyi saralmış bir bülbül kimi,
Sənsiz neyləyirəm şeirləri mən?
Yazdığım hər sözdə, cümlədə varsan,
Oxu hər şeirimi sən sətir-sətir!
Sallanıb şeirimin qanadlarından,
Özünü bu axşam yanıma gətir!

Gəl sarıl boynuma məhəbbətinlə,
Üzünə söyləyim o şeirləri!
Məni xoşbəxt elə səadətinlə,
Ümidim ölməyib gedəndən bəri!

Öpüm o əlləri, o dodaqları,
Açım qəlbimdəki o sirləri mən!?
Sənsiz darıxmasın şeirim barı...
Sənsiz neyləyirəm şeirləri mən!?