Sənsiz neyləyirəm şeirləri mən..?!

Səninçün yazıram şeirlərimi
Bülbül nəğmə deyər çiçək eşqindən!
Çiçəyi saralmış bir bülbül kimi,
Sənsiz neyləyirəm şeirləri mən?

Həkimlərin yazısı...

Bilirsən, çətin olur
Həkimlərin yazısı...
Onda sənə can verən
Neçə-neçə dərman var!

Səni sevdiyim qədər...

Mən sənin taleyinə yazılmayan yazıyam,
İcazə ver könlündə özümə yer qazıyam!
Sənin üçün ən ağır əzaba da razıyam,
Səni sevdiyim qədər təki sən də sev məni...

Mənə bircə məktub yaz

Mənə bircə məktub yaz,
Mənə səndən danışsın!
O acı xatirələr,
Od götürüb alışsın!

Qum saatı...

Sən mənim ömrümdə qum saatısan,
Axır asta-asta dənəvərlərin!
Möhlətin bitəndə mənim başımı
Özün kəsəcəksən, varmı xəbərin?

Gəl, yığışdır köçünü!

Gəl, yığışdır köçünü,
Nəyin varsa yığ apar!
Gör neçə yalan ümid,
Gör neçə xatirə var!
Bürümüsən evimin hər küncünü!
Gəl, yığışdır köçünü!

Sevişək

Gəl gedək addım-addım
Gəzək planetləri,
Bu dünyada buraxaq
Qəmləri, möhnətləri!
Gəl, sevişək bu gecə
Unudaq həsrətləri,
Amma bu dünyada yox,
Gedək Marsda sevişək!

Unutmaq öyrət mənə

Gəl, görüşək bir daha
Köhnə tanışlar kimi.
Bu qədər soyuq olma,
Ürəyi daşlar kimi!

Bu gecə yenə də bir özgəsiylə...

Hər gecə boynumda öpüş ləkəsi,
Özgə yatağından durub gəlirəm!
Kimsə bu ləkəni görməsin deyə,
Təlaşla boynumu burub gəlirəm!

Səni gözləyir

Bu gecə yoluna göz dikə-dikə,
Yorğun gözlərimin yuxusu gəlir.
Yağır dəli dolu, bax, tikə-tikə,
Havadan hicranın qoxusu gəlir!

Özümü axtarım yoxsa ki, səni?!

Niyə qaçıb getdin belə uzağa?
Bir ünvan da yoxdur axtarım səni!
Gedim dünənimə tutum əlindən,
Sənsiz bu günümə qaytarım səni!

Danış mənə

Danış mənə-
Nələr oldu, nələr keçdi?
Gələcəyə nələr qaldı,
danış mənə!
Sən susduqca bu sevgidə,
Cavan eşqim mələr qaldı,
danış mənə!

Gəl desən gələrəm

Bir kəlmən yetər mənə
Hazıram hər əmrinə
Qılınc alıb əlinə
Sən "öl" desən ölərəm,
Təki səninçün ölüm...
Bu sevgi nə biçimdə?
Sığmır qəlbin içinə,
Sənin yasın içində
Sən "gül" desən gülərəm,
Təki səninçün gülüm...

Borcunu qaytar görüm

Niyə donub qalmısan?
Buyur, çıxıb getsənə!
Elə indicə, bu an,
Get deyirəm, get sənə!

Sarı gəlin

Oxu sarı gəlinim
Dinsin könlün qübarı...
Səsin bağrımı dəlsin,
Qalsın ömür də yarı!